Wimbo Ulio Bora
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Wimbo Ulio Bora Mlango 2 Song Of Songs

Wimbo Ulio Bora 2:1 SongOfSongs 2:1

Mimi ni ua la uwandani, Ni nyinyoro ya mabondeni.

Wimbo Ulio Bora 2:2 SongOfSongs 2:2

Kama nyinyoro kati ya miiba, Kadhalika mpenzi wangu kati ya binti.

Wimbo Ulio Bora 2:3 SongOfSongs 2:3

Kama mpera kati ya miti ya msituni, Kadhalika mpendwa wangu kati ya vijana. Naliketi kivulini mwake kwa furaha, Na matunda yake naliyaonja kuwa matamu.

Wimbo Ulio Bora 2:4 SongOfSongs 2:4

Akanileta mpaka nyumba ya karamu, Na bendera yake juu yangu ni mapenzi.

Wimbo Ulio Bora 2:5 SongOfSongs 2:5

Nishibisheni zabibu, niburudisheni kwa mapera, Kwa maana nimezimia kwa mapenzi.

Wimbo Ulio Bora 2:6 SongOfSongs 2:6

Mkono wake wa kushoto uko chini ya kichwa changu, Nao wa kuume unanikumbatia!

Wimbo Ulio Bora 2:7 SongOfSongs 2:7

Nawasihi, enyi binti za Yerusalemu, Kwa paa na kwa ayala wa porini, Msiyachochee mapenzi, wala kuyaamsha, Hata yatakapoona vema yenyewe.

Wimbo Ulio Bora 2:8 SongOfSongs 2:8

Sikiliza! Ni mpendwa wangu! Tazama, anakuja, Akiruka milimani, akichachawa vilimani.

Wimbo Ulio Bora 2:9 SongOfSongs 2:9

Mpendwa wangu ni kama paa, au ayala. Tazama, asimama nyuma ya ukuta wetu, Achungulia dirishani, atazama kimiani.

Wimbo Ulio Bora 2:10 SongOfSongs 2:10

Mpendwa wangu alinena, akaniambia, Ondoka, mpenzi wangu, mzuri wangu, uje zako,

Wimbo Ulio Bora 2:11 SongOfSongs 2:11

Maana tazama, kaskazi imepita, Masika imekwisha, imekwenda zake;

Wimbo Ulio Bora 2:12 SongOfSongs 2:12

Maua yatokea katika nchi, Wakati wa kupelea umefika, Na sauti ya mwigo husikiwa kwetu.

Wimbo Ulio Bora 2:13 SongOfSongs 2:13

Mtini wapevusha tini zake, Na mizabibu inachanua, Inatoa harufu yake nzuri; Ondoka, mpenzi wangu, mzuri wangu, uje zako.

Wimbo Ulio Bora 2:14 SongOfSongs 2:14

Hua wangu, mafichoni mwa jabali, Katika sitara za magenge, Nitazame uso wako, nisikie sauti yako, Maana sauti yako ni tamu na uso wako mzuri.

Wimbo Ulio Bora 2:15 SongOfSongs 2:15

Tukamatie mbweha, Wale mbweha wadogo, Waiharibuo mizabibu, Maana mizabibu yetu yachanua.

Wimbo Ulio Bora 2:16 SongOfSongs 2:16

Mpendwa wangu ni wangu, na mimi ni wake; Hulisha kundi lake penye nyinyoro.

Wimbo Ulio Bora 2:17 SongOfSongs 2:17

Hata jua lipunge, na vivuli vikimbie, Unigeukie, mpendwa wangu, Nawe uwe kama paa, au ayala, Juu ya milima ya Betheri.