1 Mambo ya Nyakati
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

1 Mambo ya Nyakati Mlango 14 1st Chronicles

1 Mambo ya Nyakati 14:1 1stChronicles 14:1

Naye Hiramu, mfalme wa Tiro, akatuma wajumbe kwa Daudi, akampelekea na mierezi, na waashi, na maseremala, ili wamjengee nyumba.

1 Mambo ya Nyakati 14:2 1stChronicles 14:2

Daudi akajua ya kwamba Bwana amemweka imara ili amiliki juu ya Israeli, kwa kuwa milki yake imeinuka kwa ajili ya watu wake Israeli.

1 Mambo ya Nyakati 14:3 1stChronicles 14:3

Tena Daudi akazidi kuoa wake huko Yerusalemu; akazidi Daudi kuzaa wana na binti.

1 Mambo ya Nyakati 14:4 1stChronicles 14:4

Na haya ndiyo majina ya watoto aliozaliwa huko Yerusalemu; Shamua, na Shobabu, na Nathani, na Sulemani;

1 Mambo ya Nyakati 14:5 1stChronicles 14:5

na Ibhari, na Elishua, na Elpeleti;

1 Mambo ya Nyakati 14:6 1stChronicles 14:6

na Noga, na Nefegi, na Yafia;

1 Mambo ya Nyakati 14:7 1stChronicles 14:7

na Elishama, na Eliada, na Elifeleti.

1 Mambo ya Nyakati 14:8 1stChronicles 14:8

Na waliposikia hao Wafilisti ya kwamba Daudi ametiwa mafuta ili awe mfalme juu ya Israeli wote, Wafilisti wote wakapanda kumtafuta Daudi; naye Daudi akasikia, akatoka nje kupigana nao.

1 Mambo ya Nyakati 14:9 1stChronicles 14:9

Basi hao Wafilisti walikuwa wamekuja na kuteka nyara katika bonde la Warefai.

1 Mambo ya Nyakati 14:10 1stChronicles 14:10

Daudi akamwuliza Mungu, kusema, Je! Nipande juu ya Wafilisti! Utawatia mikononi mwangu? Naye Bwana akamwambia, Panda; kwa kuwa nitawatia mikononi mwako.

1 Mambo ya Nyakati 14:11 1stChronicles 14:11

Basi wakapanda mpaka Baal-perasimu, Daudi naye akawapiga huko; Daudi akasema, Bwana amewafurikia adui zangu kwa mkono wangu, kama mafuriko ya maji. Basi wakapaita mahali pale jina lake Baal-perasimu.

1 Mambo ya Nyakati 14:12 1stChronicles 14:12

Nao wakaiacha miungu yao huko; naye Daudi akaamuru, ikateketezwa kwa moto.

1 Mambo ya Nyakati 14:13 1stChronicles 14:13

Lakini hao Wafilisti wakateka nyara tena mara ya pili bondeni.

1 Mambo ya Nyakati 14:14 1stChronicles 14:14

Na Daudi akamwuliza Mungu tena; naye Mungu akamwambia, Hutapanda kuwafuata; uwageukie mbali, ukawajie huko kuielekea miforsadi.

1 Mambo ya Nyakati 14:15 1stChronicles 14:15

Kisha itakuwa utakapoisikia sauti ya kwenda katika vilele vya miforsadi, ndipo utakapokwenda nje vitani; kwa maana ndipo Mungu ametoka mbele yako, awapige jeshi la Wafilisti.

1 Mambo ya Nyakati 14:16 1stChronicles 14:16

Daudi akafanya kama vile Mungu alivyomwamuru; wakawapiga jeshi la Wafilisti toka Geba mpaka Gezeri.

1 Mambo ya Nyakati 14:17 1stChronicles 14:17

Sifa za Daudi zikafika nchi zote; naye Bwana akawaletea mataifa yote hofu yake.