Mithali
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Mithali Mlango 13 Proverbs

Mithali 13:1 Proverbs 13:1

Mwana mwenye hekima husikiliza mausia ya babaye; Bali mwenye dharau hasikilizi maonyo.

Mithali 13:2 Proverbs 13:2

Mtu atakula mema kwa matunda ya kinywa chake; Bali nafsi ya mtu haini itakula jeuri.

Mithali 13:3 Proverbs 13:3

Yeye alindaye kinywa chake huilinda nafsi yake; Bali afunuaye midomo yake atapata uharibifu.

Mithali 13:4 Proverbs 13:4

Nafsi ya mtu mvivu hutamani asipate kitu; Bali nafsi ya mwenye bidii itanenepeshwa.

Mithali 13:5 Proverbs 13:5

Mwenye haki huchukia kusema uongo; Bali mtu mbaya huwa karaha, hupatwa na aibu.

Mithali 13:6 Proverbs 13:6

Haki humlinda yeye aliye mnyofu katika njia yake; Bali ubaya humwangusha mwenye dhambi.

Mithali 13:7 Proverbs 13:7

Kuna mtu mwenye kujitajirisha, lakini hana kitu; Kuna ajifanyaye kuwa maskini, lakini ana mali nyingi.

Mithali 13:8 Proverbs 13:8

Dia ya nafsi ya mtu ni utajiri wake; Bali mtu maskini hasikii ogofyo lo lote.

Mithali 13:9 Proverbs 13:9

Nuru ya mwenye haki yang'aa sana; Bali taa ya mtu mbaya itazimika.

Mithali 13:10 Proverbs 13:10

Kiburi huleta mashindano tu; Bali hekima hukaa nao wanaoshauriana.

Mithali 13:11 Proverbs 13:11

Mali iliyopatikana kwa haraka itapunguka; Bali yeye achumaye kidogo kidogo atazidishiwa.

Mithali 13:12 Proverbs 13:12

Kilichotarajiwa kikikawia kuja, moyo huugua. Bali haja ya mtu ikipatikana, ni mti wa uzima.

Mithali 13:13 Proverbs 13:13

Kila alidharauye neno hujiletea uharibifu; Bali yeye aiogopaye amri atapewa thawabu.

Mithali 13:14 Proverbs 13:14

Sheria ya mwenye akili ni chemchemi ya uzima, Ili kuepukana na tanzi za mauti.

Mithali 13:15 Proverbs 13:15

Ufahamu mwema huleta upendeleo; Bali njia ya haini huparuza.

Mithali 13:16 Proverbs 13:16

Kila aliye na busara hutenda kazi kwa maarifa; Bali mpumbavu hueneza upumbavu.

Mithali 13:17 Proverbs 13:17

Mjumbe mbaya huanguka maovuni; Bali mjumbe mwaminifu ni afya.

Mithali 13:18 Proverbs 13:18

Umaskini na fedheha zitampata yeye akataaye kurudiwa; Bali yeye aangaliaye maonyo ataheshimiwa.

Mithali 13:19 Proverbs 13:19

Haja iliyopatikana ni tamu nafsini mwa mtu; Bali kujitenga na maovu ni chukizo kwa wapumbavu.

Mithali 13:20 Proverbs 13:20

Enenda pamoja na wenye hekima, nawe utakuwa na hekima; Bali rafiki wa wapumbavu ataumia.

Mithali 13:21 Proverbs 13:21

Uovu huwaandamia wenye dhambi; Bali mwenye haki atalipwa mema.

Mithali 13:22 Proverbs 13:22

Mtu mwema huwaachia wana wa wanawe urithi; Na mali ya mkosaji huwa akiba kwa mwenye haki.

Mithali 13:23 Proverbs 13:23

Chakula kingi chapatikana kwa ukulima wa maskini; Bali viko viharibiwavyo kwa sababu ya dhuluma.

Mithali 13:24 Proverbs 13:24

Yeye asiyetumia fimbo yake humchukia mwanawe; Bali yeye ampendaye humrudi mapema.

Mithali 13:25 Proverbs 13:25

Mwenye haki hula akaishibisha nafsi yake; Bali tumbo la mtu mbaya litaona njaa.