Mithali
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Mithali Mlango 27 Proverbs

Mithali 27:1 Proverbs 27:1

Usijisifu kwa ajili ya kesho; Kwa maana hujui yatakayozaliwa na siku moja.

Mithali 27:2 Proverbs 27:2

Mwingine na akusifu wala si kinywa chako mwenyewe; Mtu mgeni wala si midomo yako wewe.

Mithali 27:3 Proverbs 27:3

Jiwe ni zito, na mchanga hulemea; Lakini ghadhabu ya mpumbavu ni nzito kuliko hivi vyote viwili.

Mithali 27:4 Proverbs 27:4

Ghadhabu ni kali, na hasira ni gharika; Lakini ni nani awezaye kusimama mbele ya wivu.

Mithali 27:5 Proverbs 27:5

Lawama ya wazi ni heri, Kuliko upendo uliositirika.

Mithali 27:6 Proverbs 27:6

Jeraha utiwazo na rafiki ni amini; Bali kubusu kwa adui ni kwingi sana.

Mithali 27:7 Proverbs 27:7

Nafsi iliyoshiba hukinai sega la asali; Bali nafsi yenye njaa huona kila kitu kichungu kuwa kitamu.

Mithali 27:8 Proverbs 27:8

Kama ndege aendaye huko na huko mbali na kitundu chake; Ndivyo alivyo mtu aendaye huko na huko mbali na mahali pake.

Mithali 27:9 Proverbs 27:9

Marhamu na manukato huufurahisha moyo; Kadhalika utamu wa rafiki ya mtu utokao katika kusudi la moyo wake.

Mithali 27:10 Proverbs 27:10

Usimwache rafiki yako mwenyewe, wala rafiki ya baba yako, Wala usiende nyumbani mwa ndugu yako siku ya msiba wako. Afadhali jirani aliye karibu kuliko ndugu aliye mbali.

Mithali 27:11 Proverbs 27:11

Mwanangu, uwe na hekima na kunifurahisha moyo wangu; Ili nipate kumjibu anilaumuye.

Mithali 27:12 Proverbs 27:12

Mwenye busara huyaona mabaya na kujificha; Bali wajinga huendelea mbele wakaumia.

Mithali 27:13 Proverbs 27:13

Twaa nguo yake amdhaminiye mgeni; Mtoza rehani aliye mdhamini wa malaya.

Mithali 27:14 Proverbs 27:14

Mtu ambarikiye mwenzake kwa sauti kuu asubuhi na mapema; Itahesabiwa kuwa ni laana kwake.

Mithali 27:15 Proverbs 27:15

Kutona-tona daima siku ya mvua nyingi, Na mwanamke mgomvi ni sawasawa;

Mithali 27:16 Proverbs 27:16

Atakaye kumzuia huyo huuzuia upepo; Na mkono wake wa kuume hukuta mafuta.

Mithali 27:17 Proverbs 27:17

Chuma hunoa chuma; Ndivyo mtu aunoavyo uso wa rafiki yake.

Mithali 27:18 Proverbs 27:18

Yeye autunzaye mtini atakula matunda yake; Naye amhudumiaye bwana wake ataheshimiwa.

Mithali 27:19 Proverbs 27:19

Kama uso ufananavyo na uso katika maji; Kadhalika moyo wa mtu na mwenzake.

Mithali 27:20 Proverbs 27:20

Kuzimu na Uharibifu havishibi; Wala macho ya wanadamu hayashibi.

Mithali 27:21 Proverbs 27:21

Kalibu ni kwa fedha, na tanuru kwa dhahabu; Na mtu hujaribiwa kwa sifa zake.

Mithali 27:22 Proverbs 27:22

Hata ukimtwanga mpumbavu kwa mchi kinuni pamoja na ngano; Upumbavu wake hautamtoka.

Mithali 27:23 Proverbs 27:23

Fanya bidii kuijua hali ya makundi yako; Na kuwaangalia sana ng'ombe zako.

Mithali 27:24 Proverbs 27:24

Kwa maana mali haziwi za milele; Na taji je! Yadumu tangu kizazi hata kizazi?

Mithali 27:25 Proverbs 27:25

Manyasi huchukuliwa, na majani mabichi huonekana, Na maboga ya milimani hukusanyika.

Mithali 27:26 Proverbs 27:26

Wana-kondoo hufaa kwa mavazi yako; Na mbuzi ni thamani ya shamba

Mithali 27:27 Proverbs 27:27

Tena yatakuwapo maziwa ya mbuzi, Ya kukutosha kwa chakula chako, Na chakula cha watu wa nyumbani mwako, Na posho la vijakazi vyako.