Mithali
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Mithali Mlango 29 Proverbs

Mithali 29:1 Proverbs 29:1

Aonywaye mara nyingi akishupaza shingo, Atavunjika ghafula, wala hapati dawa.

Mithali 29:2 Proverbs 29:2

Wenye haki wakiwa na amri, watu hufurahi; Bali mwovu atawalapo, watu huugua.

Mithali 29:3 Proverbs 29:3

Apendaye hekima humfurahisha babaye; Bali ashikamanaye na makahaba hutapanya mali.

Mithali 29:4 Proverbs 29:4

Mfalme huithibitisha nchi kwa hukumu; Bali yeye apokeaye rushwa huipindua.

Mithali 29:5 Proverbs 29:5

Mwenye kujipendekeza kwa jirani yake, Hutandika wavu ili kuitega miguu yake.

Mithali 29:6 Proverbs 29:6

Kuna mtego katika kosa la mtu mbaya; Bali mwenye haki huimba na kufurahi.

Mithali 29:7 Proverbs 29:7

Mwenye haki huyaangalia madai ya maskini; Bali mtu mbaya hana ufahamu hata ayajue.

Mithali 29:8 Proverbs 29:8

Watu wenye dharau huwasha mji moto; Bali wenye hekima hugeuzia mbali ghadhabu.

Mithali 29:9 Proverbs 29:9

Mwenye hekima akijadiliana na mpumbavu; Akikasirika au akicheka, pia hapana raha.

Mithali 29:10 Proverbs 29:10

Wamwagao damu humchukia mtu mkamilifu; Bali wenye haki humtunza nafsi yake.

Mithali 29:11 Proverbs 29:11

Mpumbavu hudhihirisha hasira yake yote; Bali mwenye hekima huizuia na kuituliza.

Mithali 29:12 Proverbs 29:12

Mwenye kutawala akisikiliza uongo; Basi watumishi wake wote watakuwa waovu.

Mithali 29:13 Proverbs 29:13

Maskini na mdhalimu hukutana pamoja; Bwana huwatia nuru macho yao wote wawili.

Mithali 29:14 Proverbs 29:14

Mfalme awahukumuye maskini kwa uaminifu; Kiti chake cha enzi kitathibitika milele.

Mithali 29:15 Proverbs 29:15

Fimbo na maonyo hutia hekima; Bali mwana aliyeachiliwa humwaibisha mamaye.

Mithali 29:16 Proverbs 29:16

Waovu wakiongezeka, maasi huongezeka; Bali wenye haki watayatazama maanguko yao.

Mithali 29:17 Proverbs 29:17

Mrudi mwanao naye atakustarehesha; Naam, atakufurahisha nafsi yako.

Mithali 29:18 Proverbs 29:18

Pasipo maono, watu huacha kujizuia; Bali ana heri mtu yule aishikaye sheria.

Mithali 29:19 Proverbs 29:19

Haitoshi mtumwa kuonywa kwa maneno; Maana ajapoyafahamu hataitika.

Mithali 29:20 Proverbs 29:20

Je! Umemwona mtu mwenye kuhamaki katika maneno? Afadhali kumtumaini mpumbavu kuliko yeye.

Mithali 29:21 Proverbs 29:21

Amtunduiaye mtumwa wake tangu utoto, Mwisho wake atakuwa ni mwanawe.

Mithali 29:22 Proverbs 29:22

Mtu wa hasira huchochea ugomvi; Na mtu mwenye ghadhabu huasi sana.

Mithali 29:23 Proverbs 29:23

Kiburi cha mtu kitamshusha; Bali mwenye roho ya unyenyekevu ataheshimiwa.

Mithali 29:24 Proverbs 29:24

Mshiriki wa mwivi huichukia nafsi yake mwenyewe; Asikia maapizo, wala hana neno.

Mithali 29:25 Proverbs 29:25

Kuwaogopa wanadamu huleta mtego; Bali amtumainiye Bwana atakuwa salama.

Mithali 29:26 Proverbs 29:26

Watu wengi hutafuta upendeleo wa mkuu; Bali hukumu ya kila mtu hutoka kwa Bwana

Mithali 29:27 Proverbs 29:27

Mtu aliye dhalimu ni chukizo kwa wenye haki; Na mnyofu wa mwenendo ni chukizo kwa waovu.