Mithali
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Mithali Mlango 31 Proverbs

Mithali 31:1 Proverbs 31:1

Maneno ya mfalme Lemueli; mausia aliyofundishwa na mama yake.

Mithali 31:2 Proverbs 31:2

Ni nini, mwanangu? Tena ni nini, mwana wa tumbo langu? Tena, ni nini mwana wa nadhiri zangu?

Mithali 31:3 Proverbs 31:3

Usiwape wanawake nguvu zako; Wala moyo wako usiwape wale wawaharibuo wafalme.

Mithali 31:4 Proverbs 31:4

Ee Lemueli, kunywa mvinyo hakuwafai wafalme, hakuwafai wafalme; Wala haifai wakuu waseme, Ki wapi kileo?

Mithali 31:5 Proverbs 31:5

Wasije wakanywa na kuisahau sheria, Na kuipotosha hukumu ya mtu aliye taabuni.

Mithali 31:6 Proverbs 31:6

Mpe kileo yeye aliye karibu na kupotea; Kampe divai yeye aliye na uchungu nafsini.

Mithali 31:7 Proverbs 31:7

Anywe akausahau umaskini wake; Asiikumbuke tena taabu yake.

Mithali 31:8 Proverbs 31:8

Fumbua kinywa chako kwa ajili yake aliye bubu; Uwatetee watu wote walioachwa peke yao;

Mithali 31:9 Proverbs 31:9

Fumbua kinywa chako, uhukumu kwa haki; Uwapatie maskini na wahitaji haki yao.

Mithali 31:10 Proverbs 31:10

Mke mwema, ni nani awezaye kumwona? Maana kima chake chapita kima cha marijani.

Mithali 31:11 Proverbs 31:11

Moyo wa mumewe humwamini, Wala hatakosa kupata mapato.

Mithali 31:12 Proverbs 31:12

Humtendea mema wala si mabaya, Siku zote za maisha yake.

Mithali 31:13 Proverbs 31:13

Hutafuta sufu na kitani; Hufanya kazi yake ya mikono kwa moyo.

Mithali 31:14 Proverbs 31:14

Afanana na merikebu za biashara; Huleta chakula chake kutoka mbali.

Mithali 31:15 Proverbs 31:15

Tena huamka, kabla haujaisha usiku; Huwapa watu wa nyumbani mwake chakula; Na wajakazi wake sehemu zao.

Mithali 31:16 Proverbs 31:16

Huangalia shamba, akalinunua; Kwa mapato ya mikono yake hupanda mizabibu.

Mithali 31:17 Proverbs 31:17

Hujifunga nguvu viunoni kama mshipi; Hutia mikono yake nguvu.

Mithali 31:18 Proverbs 31:18

Huona kama bidhaa yake ina faida; Taa yake haizimiki usiku.

Mithali 31:19 Proverbs 31:19

Hutia mikono yake katika kusokota; Na mikono yake huishika pia.

Mithali 31:20 Proverbs 31:20

Huwakunjulia maskini mikono yake; Naam, huwanyoshea wahitaji mikono yake.

Mithali 31:21 Proverbs 31:21

Hawahofii theluji watu wa nyumbani mwake; Maana wote wa nyumbani mwake huvikwa nguo nyekundu.

Mithali 31:22 Proverbs 31:22

Hujifanyia mazulia ya urembo; Mavazi yake ni kitani safi na urujuani.

Mithali 31:23 Proverbs 31:23

Mume wake hujulikana malangoni; Aketipo pamoja na wazee wa nchi.

Mithali 31:24 Proverbs 31:24

Hufanya nguo za kitani na kuziuza; Huwapa wafanya biashara mishipi.

Mithali 31:25 Proverbs 31:25

Nguvu na hadhi ndiyo mavazi yake; Anaucheka wakati ujao.

Mithali 31:26 Proverbs 31:26

Hufumbua kinywa chake kwa hekima, Na sheria ya wema i katika ulimi wake.

Mithali 31:27 Proverbs 31:27

Huangalia sana njia za watu wa nyumbani mwake; Wala hali chakula cha uvivu.

Mithali 31:28 Proverbs 31:28

Wanawe huondoka na kumwita heri; Mumewe naye humsifu, na kusema,

Mithali 31:29 Proverbs 31:29

Binti za watu wengi wamefanya mema, Lakini wewe umewapita wote.

Mithali 31:30 Proverbs 31:30

Upendeleo hudanganya, na uzuri ni ubatili; Bali mwanamke amchaye Bwana, ndiye atakayesifiwa.

Mithali 31:31 Proverbs 31:31

Mpe mapato ya mikono yake, Na matendo yake yamsifu malangoni.