Ayabu
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Ayabu Mlango 32 Job

Ayabu 32:1 Job 32:1

Basi hao watu watatu wakaacha kumjibu Ayubu, kwa sababu alikuwa mwenye haki machoni pake mwenyewe.

Ayabu 32:2 Job 32:2

Ndipo zikawaka hasira za huyo Elihu mwana wa Barakeli, Mbuzi, katika jamaa ya Ramu, juu ya Ayubu, kwa sababu alikuwa amejipa haki mwenyewe zaidi ya Mungu.

Ayabu 32:3 Job 32:3

Tena hasira zake ziliwaka juu ya hao rafiki zake watatu kwa sababu hawakupata jawabu, lakini wamemhukumia Ayubu makosa.

Ayabu 32:4 Job 32:4

Basi huyo Elihu alikuwa anangoja ili anene na Ayubu, kwa sababu hao wengine walikuwa wazee kuliko yeye.

Ayabu 32:5 Job 32:5

Hata Elihu alipoona kuwa hapana jawabu katika vinywa vya watu hao watatu, hasira zake ziliwaka.

Ayabu 32:6 Job 32:6

Basi Elihu mwana wa Barakeli, Mbuzi, akajibu, na kusema, Mimi ni kijana, na ninyi ni wazee sana; Kwa hiyo nilijizuia, nisithubutu kuwaonyesha nionavyo.

Ayabu 32:7 Job 32:7

Nilisema, Yafaa siku ziseme, Na wingi wa miaka ufundishe hekima.

Ayabu 32:8 Job 32:8

Lakini imo roho ndani ya mwanadamu, Na pumzi za Mwenyezi huwapa akili.

Ayabu 32:9 Job 32:9

Sio wakuu walio wenye akili, Wala sio wazee watambuao hukumu.

Ayabu 32:10 Job 32:10

Basi nilisema, Nisikilizeni mimi; Mimi nami nitawaonyesha nionavyo.

Ayabu 32:11 Job 32:11

Tazama, niliyangojea maneno yenu, Nilizisikiliza nisikie hoja zenu, Hapo mlipokitafuta mtakalonena.

Ayabu 32:12 Job 32:12

Naam, niliwasikiza ninyi, Na tazama, hapana mmoja aliyemshinda Ayubu, Wala kumjibu maneno yake, kati yenu.

Ayabu 32:13 Job 32:13

Jitunzeni msiseme, Sisi tumepata hekima; Mungu yumkini akamshinda, si mtu;

Ayabu 32:14 Job 32:14

Kwa kuwa yeye hajayaelekeza maneno yake kwangu; Wala sitamjibu mimi kwa maneno yenu.

Ayabu 32:15 Job 32:15

Wameshangaa, hawajibu tena; Hawana neno la kusema.

Ayabu 32:16 Job 32:16

Na mimi, je! Ningoje, kwa sababu hawaneni, Kwa sababu wasimama kimya, wala wasijibu tena;

Ayabu 32:17 Job 32:17

Mimi nami nitajibu sehemu yangu, Mimi nami nitaonyesha nionavyo.

Ayabu 32:18 Job 32:18

Kwa kuwa nimejaa maneno; Roho iliyo ndani yangu hunihimiza.

Ayabu 32:19 Job 32:19

Tazama, tumbo langu ni kama divai iliyozibwa; Kama viriba vipya li karibu na kupasuka.

Ayabu 32:20 Job 32:20

Nitanena, ili nipate kutulia; Nitafunua midomo yangu na kujibu.

Ayabu 32:21 Job 32:21

Tafadhali, nisiupendelee uso wa mtu; Wala sitajipendekeza kwa mtu ye yote.

Ayabu 32:22 Job 32:22

Kwani mimi sijui kujipendekeza; Au Muumba wangu angeniondoa kwa upesi.