Ayabu
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Ayabu Mlango 39 Job

Ayabu 39:1 Job 39:1

Je! Wajua majira ya kuzaa kwao mbuzi-mwitu walio majabalini? Au waweza kusema majira ya kuzaa kulungu?

Ayabu 39:2 Job 39:2

Je! Waweza kuhesabu miezi yao watakayoitimiza? Au je! Wajua majira ya kuzaa kwao?

Ayabu 39:3 Job 39:3

Wao hujiinamisha, kuzaa watoto wao, Watupa taabu zao.

Ayabu 39:4 Job 39:4

Watoto wao wa katika hali nzuri, hukua katika bara wazi; Huenda zao, wala hawarudi tena.

Ayabu 39:5 Job 39:5

Ni nani aliyempeleka punda-milia aende huru? Au je! Ni nani aliyemfungulia vifungo punda-mwitu?

Ayabu 39:6 Job 39:6

Ambaye nimeifanya nyika kuwa nyumba yake, Na nchi ya chumvi kuwa makao yake.

Ayabu 39:7 Job 39:7

Yeye hudharau mshindo wa mji, Wala hasikii kelele zake msimamizi.

Ayabu 39:8 Job 39:8

Upana wa milima ni malisho yake, Hutafuta-tafuta kila kitu kilicho kibichi.

Ayabu 39:9 Job 39:9

Je! Nyati atakubali kukutumikia? Au atakaa katika zizi lako?

Ayabu 39:10 Job 39:10

Je! Waweza kumfunga nyati kwa kamba matutani? Au, yeye atayalima mabonde nyuma yako?

Ayabu 39:11 Job 39:11

Je! Utamtumaini kwa sababu ana nguvu nyingi? Au, utamwachia yeye kazi yako?

Ayabu 39:12 Job 39:12

Je! Utamtumaini kwamba ataileta mbegu yako nyumbani. Na kukusanya nafaka ya kiwanja chako cha kupuria?

Ayabu 39:13 Job 39:13

Bawa la mbuni hufurahi; Lakini mabawa yake na manyoya yake, je! Yana huruma?

Ayabu 39:14 Job 39:14

Kwani yeye huyaacha mayai yake juu ya nchi, Na kuyatia moto mchangani,

Ayabu 39:15 Job 39:15

Na kusahau kwamba yumkini mguu kuyavunja, Au mnyama wa mwitu kuyakanyaga.

Ayabu 39:16 Job 39:16

yeye huyafanyia ukali makinda yake, kana kwamba si yake; Ijapokuwa taabu yake ni ya bure, hana hofu;

Ayabu 39:17 Job 39:17

Kwa sababu Mungu amemnyima akili, Wala hakumpa fahamu.

Ayabu 39:18 Job 39:18

Wakati anapojiinua juu aende, Humdharau farasi na mwenye kumpanda.

Ayabu 39:19 Job 39:19

Je! Wewe ulimpa farasi uwezo wake? Au, ni wewe uliyemvika shingo yake manyoya yatetemayo?

Ayabu 39:20 Job 39:20

Ndiwe uliyemfanya aruke kama nzige? Fahari ya mlio wake hutisha.

Ayabu 39:21 Job 39:21

Hupara-para bondeni, na kuzifurahia nguvu zake; Hutoka kwenda kukutana na wenye silaha.

Ayabu 39:22 Job 39:22

Yeye hufanyia kicho dhihaka, wala hashangai; Wala hageuki kurudi nyuma mbele ya upanga.

Ayabu 39:23 Job 39:23

Podo humpigia makelele, Mkuki ung'aao na fumo.

Ayabu 39:24 Job 39:24

Huimeza nchi kwa ukali wake na ghadhabu; Wala hasimami kwa sauti ya baragumu.

Ayabu 39:25 Job 39:25

Kila ipigwapo baragumu yeye husema, Aha! Naye husikia harufu ya vita toka mbali, Mshindo wa maakida, na makelele.

Ayabu 39:26 Job 39:26

Je! Mwewe huruka juu kwa akili zako, Na kuyanyosha mabawa yake kwenda kusini?

Ayabu 39:27 Job 39:27

Je! Tai hupaa juu kwa amri yako, Na kufanya kioto chake mahali pa juu?

Ayabu 39:28 Job 39:28

Hukaa jabalini, ndiko kwenye malazi yake, Juu ya genge la jabali, na ngomeni.

Ayabu 39:29 Job 39:29

Toka huko yeye huchungulia mawindo; Macho yake huyaangalia toka mbali.

Ayabu 39:30 Job 39:30

Makinda yake nayo hufyonza damu; Na kwenye maiti ndiko aliko.