Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 102 Psalms

Zaburi 102:1 Psalms 102:1

Ee Bwana, usikie kuomba kwangu, Kilio changu kikufikie.

Zaburi 102:2 Psalms 102:2

Usinifiche uso wako siku ya shida yangu, Unitegee sikio lako, siku niitapo unijibu upesi.

Zaburi 102:3 Psalms 102:3

Maana siku zangu zinatoweka kama moshi, Na mifupa yangu inateketea kama kinga.

Zaburi 102:4 Psalms 102:4

Moyo wangu umepigwa kama majani na kukauka, Naam, ninasahau kula chakula changu.

Zaburi 102:5 Psalms 102:5

Kwa ajili ya sauti ya kuugua kwangu Mifupa yangu imegandamana na nyama yangu.

Zaburi 102:6 Psalms 102:6

Nimekuwa kama mwari nyuni wa jangwani, Na kufanana na bundi wa mahameni.

Zaburi 102:7 Psalms 102:7

Nakesha, tena nimekuwa kama shomoro Aliye peke yake juu ya nyumba.

Zaburi 102:8 Psalms 102:8

Adui zangu wananilaumu mchana kutwa; Wanaonichukia kana kwamba wana wazimu Huapa kwa kunitaja mimi.

Zaburi 102:9 Psalms 102:9

Maana nimekula majivu kama chakula, Na kukichanganya kinywaji changu na machozi.

Zaburi 102:10 Psalms 102:10

Kwa sababu ya ghadhabu yako na hasira yako; Maana umeniinua na kunitupilia mbali.

Zaburi 102:11 Psalms 102:11

Siku zangu zi kama kivuli kilichotandaa, Nami ninanyauka kama majani.

Zaburi 102:12 Psalms 102:12

Bali Wewe, Bwana utaketi ukimiliki milele, Na kumbukumbu lako kizazi hata kizazi.

Zaburi 102:13 Psalms 102:13

Wewe mwenyewe utasimama, Na kuirehemu Sayuni, Kwa maana ndio wakati wa kuihurumia, Naam, majira yaliyoamriwa yamewadia.

Zaburi 102:14 Psalms 102:14

Maana watumishi wako wameyaridhia mawe yake, Na kuyaonea huruma mavumbi yake.

Zaburi 102:15 Psalms 102:15

Kisha mataifa wataliogopa jina la Bwana, Na wafalme wote wa dunia utukufu wako;

Zaburi 102:16 Psalms 102:16

Bwana atakapokuwa ameijenga Sayuni, Atakapoonekana katika utukufu wake,

Zaburi 102:17 Psalms 102:17

Atakapoyaelekea maombi yake aliye mkiwa, Asiyadharau maombi yao.

Zaburi 102:18 Psalms 102:18

Kizazi kitakachokuja kitaandikiwa hayo, Na watu watakaoumbwa watamsifu Bwana.

Zaburi 102:19 Psalms 102:19

Maana ametazama toka patakatifu pake pa juu, Toka mbinguni Bwana ameiangalia nchi,

Zaburi 102:20 Psalms 102:20

Ili akusikie kuugua kwake aliyefungwa, Na kuwafungua walioandikiwa kufa.

Zaburi 102:21 Psalms 102:21

Watu walitangaze jina la Bwana katika Sayuni, Na sifa zake katika Yerusalemu,

Zaburi 102:22 Psalms 102:22

Pindi mataifa watapokusanyika pamoja, Falme nazo ili kumtumikia Bwana.

Zaburi 102:23 Psalms 102:23

Amezipunguza nguvu zangu njiani; Amezifupisha siku zangu.

Zaburi 102:24 Psalms 102:24

Nitasema, Ee Mungu wangu, usiniondoe katikati ya siku zangu; Miaka yako ni tangu kizazi hata kizazi.

Zaburi 102:25 Psalms 102:25

Hapo mwanzo uliutia msingi wa nchi, Na mbingu ni kazi ya mikono yako.

Zaburi 102:26 Psalms 102:26

Hizi zitaharibika, bali Wewe utadumu Naam, hizi zitachakaa kama nguo; Na kama mavazi utazibadilisha, Nazo zitabadilika.

Zaburi 102:27 Psalms 102:27

Lakini Wewe U Yeye yule; Na miaka yako haitakoma.

Zaburi 102:28 Psalms 102:28

Wana wa watumishi wako watakaa, Na wazao wao wataimarishwa mbele zako.