Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 72 Psalms

Zaburi 72:1 Psalms 72:1

Ee Mungu, mpe mfalme hukumu zako, Na mwana wa mfalme haki yako.

Zaburi 72:2 Psalms 72:2

Atawaamua watu wako kwa haki, Na watu wako walioonewa kwa hukumu.

Zaburi 72:3 Psalms 72:3

Milima itawazalia watu amani, Na vilima navyo kwa haki.

Zaburi 72:4 Psalms 72:4

Atawahukumu walioonewa wa watu, Atawaokoa wahitaji, atamseta mwenye kuonea.

Zaburi 72:5 Psalms 72:5

Watakuogopa wakati wote wa kudumu jua, Na wakati wa kung'aa mwezi kizazi hata kizazi.

Zaburi 72:6 Psalms 72:6

Atashuka kama mvua juu ya majani yaliyokatwa, Kama manyunyu yainyweshayo nchi.

Zaburi 72:7 Psalms 72:7

Siku zake yeye, mtu mwenye haki atasitawi, Na wingi wa amani hata mwezi utakapokoma.

Zaburi 72:8 Psalms 72:8

Na awe na enzi toka bahari hata bahari, Toka Mto hata miisho ya dunia.

Zaburi 72:9 Psalms 72:9

Wakaao jangwani na wainame mbele zake; Adui zake na warambe mavumbi.

Zaburi 72:10 Psalms 72:10

Wafalme wa Tarshishi na visiwa na walete kodi; Wafalme wa Sheba na Seba na watoe vipawa.

Zaburi 72:11 Psalms 72:11

Naam, wafalme wote na wamsujudie; Na mataifa yote wamtumikie.

Zaburi 72:12 Psalms 72:12

Kwa maana atamkomboa mhitaji aliapo, Na mtu aliyeonewa iwapo hana msaidizi.

Zaburi 72:13 Psalms 72:13

Atamhurumia aliye dhaifu na maskini, Na nafsi za wahitaji ataziokoa.

Zaburi 72:14 Psalms 72:14

Atawakomboa nafsi zao na kuonewa na udhalimu, Na damu yao ina thamani machoni pake.

Zaburi 72:15 Psalms 72:15

Basi na aishi; Na wampe dhahabu ya Sheba; Na wamwombee daima; Na kumbariki mchana kutwa.

Zaburi 72:16 Psalms 72:16

Na uwepo wingi wa nafaka Katika ardhi juu ya milima; Matunda yake na yawaye-waye kama Lebanoni, Na watu wa mjini wasitawi kama majani ya nchi.

Zaburi 72:17 Psalms 72:17

Jina lake na lidumu milele, Pindi ling'aapo jua jina lake liwe na wazao; Mataifa yote na wajibariki katika yeye, Na kumwita heri.

Zaburi 72:18 Psalms 72:18

Na ahimidiwe Bwana, Mungu, Mungu wa Israeli, Atendaye miujiza Yeye peke yake;

Zaburi 72:19 Psalms 72:19

Jina lake tukufu na lihimidiwe milele; Dunia yote na ijae utukufu wake. Amina na Amina.

Zaburi 72:20 Psalms 72:20

Maombi ya Daudi mwana wa Yese yamekwisha.