Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 108 Psalms

Zaburi 108:1 Psalms 108:1

Ee Mungu, moyo wangu u thabiti, Nitaimba, nitaimba zaburi, Naam, kwa utukufu wangu.

Zaburi 108:2 Psalms 108:2

Amka, kinanda na kinubi, Nitaamka alfajiri.

Zaburi 108:3 Psalms 108:3

Ee Bwana, nitakushukuru kati ya watu, Nitakuimbia zaburi kati ya mataifa.

Zaburi 108:4 Psalms 108:4

Maana fadhili zako ni kubwa hata mbinguni, Na uaminifu wako hata mawinguni.

Zaburi 108:5 Psalms 108:5

Ee Mungu, utukuzwe juu ya mbingu, Na juu ya nchi yote uwe utukufu wako.

Zaburi 108:6 Psalms 108:6

Ili wapenzi wako waopolewe, Uokoe kwa mkono wako wa kuume, uniitikie.

Zaburi 108:7 Psalms 108:7

Mungu amenena kwa utakatifu wake, Nami nitashangilia. Nitaigawanya Shekemu, Nitalipima bonde la Sukothi.

Zaburi 108:8 Psalms 108:8

Gileadi ni yangu, na Manase ni yangu, Na Efraimu ni nguvu ya kichwa changu. Yuda ni fimbo yangu ya kifalme,

Zaburi 108:9 Psalms 108:9

Moabu ni bakuli langu la kunawia. Nitamtupia Edomu kiatu changu, Na kumpigia Filisti kelele za vita.

Zaburi 108:10 Psalms 108:10

Ni nani atakayenipeleka hata mji wenye boma? Ni nani atakayeniongoza hata Edomu?

Zaburi 108:11 Psalms 108:11

Ee Mungu, si Wewe uliyetutupa? Wala, Ee Mungu, hutoki na majeshi yetu?

Zaburi 108:12 Psalms 108:12

Utuletee msaada juu ya mtesi, Maana wokovu wa binadamu haufai.

Zaburi 108:13 Psalms 108:13

Kwa msaada wa Mungu tutatenda makuu, Maana Yeye atawakanyaga watesi wetu.