Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 139 Psalms

Zaburi 139:1 Psalms 139:1

Ee Bwana, umenichunguza na kunijua.

Zaburi 139:2 Psalms 139:2

Wewe wajua kuketi kwangu na kuondoka kwangu; Umelifahamu wazo langu tokea mbali.

Zaburi 139:3 Psalms 139:3

Umepepeta kwenda kwangu na kulala kwangu, Umeelewa na njia zangu zote.

Zaburi 139:4 Psalms 139:4

Maana hamna neno ulimini mwangu Usilolijua kabisa, Bwana.

Zaburi 139:5 Psalms 139:5

Umenizingira nyuma na mbele, Ukaniwekea mkono wako.

Zaburi 139:6 Psalms 139:6

Maarifa hayo ni ya ajabu, yanishinda mimi, Hayadirikiki, siwezi kuyafikia.

Zaburi 139:7 Psalms 139:7

Niende wapi nijiepushe na roho yako? Niende wapi niukimbie uso wako?

Zaburi 139:8 Psalms 139:8

Kama ningepanda mbinguni, Wewe uko; Ningefanya kuzimu kitanda changu, Wewe uko.

Zaburi 139:9 Psalms 139:9

Ningezitwaa mbawa za asubuhi, Na kukaa pande za mwisho za bahari;

Zaburi 139:10 Psalms 139:10

Huko nako mkono wako utaniongoza, Na mkono wako wa kuume utanishika.

Zaburi 139:11 Psalms 139:11

Kama nikisema, Hakika giza litanifunika, Na nuru inizungukayo ingekuwa usiku;

Zaburi 139:12 Psalms 139:12

Giza nalo halikufichi kitu, Bali usiku huangaza kama mchana; Giza na mwanga kwako ni sawasawa.

Zaburi 139:13 Psalms 139:13

Maana Wewe ndiwe uliyeniumba mtima wangu, Uliniunga tumboni mwa mama yangu.

Zaburi 139:14 Psalms 139:14

Nitakushukuru kwa kuwa nimeumbwa Kwa jinsi ya ajabu ya kutisha. Matendo yako ni ya ajabu, Na nafsi yangu yajua sana,

Zaburi 139:15 Psalms 139:15

Mifupa yangu haikusitirika kwako, Nilipoumbwa kwa siri, Nilipoungwa kwa ustadi pande za chini za nchi;

Zaburi 139:16 Psalms 139:16

Macho yako yaliniona kabla sijakamilika; Chuoni mwako ziliandikwa zote pia, Siku zilizoamriwa kabla hazijawa bado.

Zaburi 139:17 Psalms 139:17

Mungu, fikira zako zina thamani nyingi kwangu; Jinsi ilivyo kubwa jumla yake!

Zaburi 139:18 Psalms 139:18

Kama ningezihesabu ni nyingi kuliko mchanga; Niamkapo nikali pamoja nawe.

Zaburi 139:19 Psalms 139:19

Ee Mungu, laiti ungewafisha waovu! Enyi watu wa damu, ondokeni kwangu;

Zaburi 139:20 Psalms 139:20

Kwa maana wakuasi kwa ubaya, Adui zako wakutaja jina lako bure.

Zaburi 139:21 Psalms 139:21

Je! Bwana nisiwachukie wanaokuchukia? Nisikirihike nao wakuasio?

Zaburi 139:22 Psalms 139:22

Nawachukia kwa ukomo wa chuki, Wamekuwa adui kwangu.

Zaburi 139:23 Psalms 139:23

Ee Mungu, unichunguze, uujue moyo wangu, Unijaribu, uyajue mawazo yangu;

Zaburi 139:24 Psalms 139:24

Uone kama iko njia iletayo majuto ndani yangu, Ukaniongoze katika njia ya milele.