Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 80 Psalms

Zaburi 80:1 Psalms 80:1

Wewe uchungaye Israeli, usikie, Wewe umwongozaye Yusufu kama kundi; Wewe uketiye juu ya makerubi, utoe nuru.

Zaburi 80:2 Psalms 80:2

Mbele ya Efraimu, na Benyamini, na Manase, Uziamshe nguvu zako, Uje, utuokoe.

Zaburi 80:3 Psalms 80:3

Ee Mungu, uturudishe, Uangazishe uso wako nasi tutaokoka.

Zaburi 80:4 Psalms 80:4

Ee Bwana, Mungu wa majeshi, hata lini Utayaghadhibikia maombi ya watu wako?

Zaburi 80:5 Psalms 80:5

Umewalisha mkate wa machozi, Umewanywesha machozi kwa kipimo kikuu.

Zaburi 80:6 Psalms 80:6

Unatufanya sababu ya ugomvi kwa jirani zetu, Na adui zetu wanacheka wao kwa wao.

Zaburi 80:7 Psalms 80:7

Ee Mungu wa majeshi, uturudishe, Uangazishe uso wako nasi tutaokoka.

Zaburi 80:8 Psalms 80:8

Ulileta mzabibu kutoka Misri, Ukawafukuza mataifa ukaupanda.

Zaburi 80:9 Psalms 80:9

Ulitengeneza nafasi mbele yake, Nao ukatia mizizi sana ukaijaza nchi.

Zaburi 80:10 Psalms 80:10

Milima ilifunikwa kwa uvuli wake, Matawi yake ni kama mierezi ya Mungu.

Zaburi 80:11 Psalms 80:11

Nao uliyaeneza matawi yake hata baharini, Na vichipukizi vyake hata kunako Mto.

Zaburi 80:12 Psalms 80:12

Kwa nini umezibomoa kuta zake, Wakauchuma wote wapitao njiani?

Zaburi 80:13 Psalms 80:13

Nguruwe wa msituni wanauharibu, Na hayawani wa kondeni wanautafuna.

Zaburi 80:14 Psalms 80:14

Ee Mungu wa majeshi, tunakusihi, urudi, Utazame toka juu uone, uujilie mzabibu huu.

Zaburi 80:15 Psalms 80:15

Na mche ule ulioupanda Kwa mkono wako wa kuume; Na tawi lile ulilolifanya Kuwa imara kwa nafsi yako.

Zaburi 80:16 Psalms 80:16

Umechomwa moto; umekatwa; Kwa lawama ya uso wako wanapotea.

Zaburi 80:17 Psalms 80:17

Mkono wako na uwe juu yake Mtu wa mkono wako wa kuume; Juu ya mwanadamu uliyemfanya Kuwa imara kwa nafsi yako;

Zaburi 80:18 Psalms 80:18

Basi hatutakuacha kwa kurudi nyuma; Utuhuishe nasi tutaliitia jina lako.

Zaburi 80:19 Psalms 80:19

Ee Bwana, Mungu wa majeshi, uturudishe, Uangazishe uso wako nasi tutaokoka.