Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 65 Psalms

Zaburi 65:1 Psalms 65:1

Ee Mungu, sifa zakulaiki katika Sayuni, Na kwako Wewe itaondolewa nadhiri.

Zaburi 65:2 Psalms 65:2

Wewe usikiaye kuomba, Wote wenye mwili watakujia.

Zaburi 65:3 Psalms 65:3

Ingawa maovu mengi yanamshinda, Wewe utayafunika maasi yetu.

Zaburi 65:4 Psalms 65:4

Heri mtu yule umchaguaye, Na kumkaribisha akae nyuani mwako. Na tushibe wema wa nyumba yako, Patakatifu pa hekalu lako.

Zaburi 65:5 Psalms 65:5

Kwa mambo ya kutisha utatujibu, Katika haki, Ee Mungu wa wokovu wetu. Wewe uliye tumaini la miisho yote ya dunia, Na la bahari iliyo mbali sana,

Zaburi 65:6 Psalms 65:6

Milima waiweka imara kwa nguvu zako, Huku ukijifunga uweza kama mshipi.

Zaburi 65:7 Psalms 65:7

Wautuliza uvumi wa bahari, Uvumi wa mawimbi yake, Na ghasia ya mataifa;

Zaburi 65:8 Psalms 65:8

Kwa hiyo wakaao mbali kabisa huogopa ishara zako; Milango ya asubuhi na jioni waifurahisha.

Zaburi 65:9 Psalms 65:9

Umeijilia nchi na kuisitawisha, Umeitajirisha sana; Mto wa Mungu umejaa maji; Wawaruzuku watu nafaka Maana ndiwe uitengenezaye ardhi.

Zaburi 65:10 Psalms 65:10

Matuta yake wayajaza maji; Wapasawazisha palipoinuka, Wailainisha nchi kwa manyunyu; Waibariki mimea yake.

Zaburi 65:11 Psalms 65:11

Umeuvika mwaka taji ya wema wako; Mapito yako yadondoza unono.

Zaburi 65:12 Psalms 65:12

Huyadondokea malisho ya nyikani, Na vilima vyajifunga furaha.

Zaburi 65:13 Psalms 65:13

Na malisho yamevikwa kondoo, Na mabonde yamepambwa nafaka, Yanashangilia, naam, yanaimba.