Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 145 Psalms

Zaburi 145:1 Psalms 145:1

Ee Mungu wangu, Mfalme, nitakutukuza, Nitalihimidi jina lako milele na milele.

Zaburi 145:2 Psalms 145:2

Kila siku nitakuhimidi, Nitalisifu jina lako milele na milele.

Zaburi 145:3 Psalms 145:3

Bwana ndiye mkuu mwenye kusifiwa sana, Wala ukuu wake hautambulikani.

Zaburi 145:4 Psalms 145:4

Kizazi kwa kizazi kitayasifu matendo yako, Kitayatangaza matendo yako makuu.

Zaburi 145:5 Psalms 145:5

Nitaifikiri fahari ya utukufu wa adhama yako, Na matendo yako yote ya ajabu.

Zaburi 145:6 Psalms 145:6

Watu watayataja matendo yako ya kutisha, Nami nitausimulia ukuu wako.

Zaburi 145:7 Psalms 145:7

Watalihubiri kumbukumbu la wema wako mkuu. Wataiimba haki yako.

Zaburi 145:8 Psalms 145:8

Bwana ana fadhili, ni mwingi wa huruma, Si mwepesi wa hasira, ni mwingi wa rehema,

Zaburi 145:9 Psalms 145:9

Bwana ni mwema kwa watu wote, Na rehema zake zi juu ya kazi zake zote.

Zaburi 145:10 Psalms 145:10

Ee Bwana, kazi zako zote zitakushukuru, Na wacha Mungu wako watakuhimidi.

Zaburi 145:11 Psalms 145:11

Wataunena utukufu wa ufalme wako, Na kuuhadithia uweza wako.

Zaburi 145:12 Psalms 145:12

Ili kuwajulisha watu matendo yake makuu, Na utukufu wa fahari ya ufalme wake.

Zaburi 145:13 Psalms 145:13

Ufalme wako ni ufalme wa zamani zote, Na mamlaka yako ni ya vizazi vyote.

Zaburi 145:14 Psalms 145:14

Bwana huwategemeza wote waangukao, Huwainua wote walioinama chini.

Zaburi 145:15 Psalms 145:15

Macho ya watu wote yakuelekea Wewe, Nawe huwapa chakula chao wakati wake.

Zaburi 145:16 Psalms 145:16

Waufumbua mkono wako, Wakishibisha kila kilicho hai matakwa yake.

Zaburi 145:17 Psalms 145:17

Bwana ni mwenye haki katika njia zake zote, Na mwenye fadhili juu ya kazi zake zote.

Zaburi 145:18 Psalms 145:18

Bwana yu karibu na wote wamwitao, Wote wamwitao kwa uaminifu.

Zaburi 145:19 Psalms 145:19

Atawafanyia wamchao matakwa yao, Naye atakisikia kilio chao na kuwaokoa.

Zaburi 145:20 Psalms 145:20

Bwana huwahifadhi wote wampendao, Na wote wasio haki atawaangamiza.

Zaburi 145:21 Psalms 145:21

Kinywa changu kitazinena sifa za Bwana; Wote wenye mwili na walihimidi jina lake takatifu milele na milele.