Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 35 Psalms

Zaburi 35:1 Psalms 35:1

Ee Bwana, utete nao wanaoteta nami, Upigane nao wanaopigana nami.

Zaburi 35:2 Psalms 35:2

Uishike ngao na kigao, Usimame unisaidie.

Zaburi 35:3 Psalms 35:3

Uutoe na mkuki uwapinge wanaonifuatia, Uiambie nafsi yangu, Mimi ni wokovu wako.

Zaburi 35:4 Psalms 35:4

Waaibishwe, wafedheheshwe, Wanaoitafuta nafsi yangu. Warudishwe nyuma, wafadhaishwe, Wanaonizulia mabaya.

Zaburi 35:5 Psalms 35:5

Wawe kama makapi mbele ya upepo, Malaika wa Bwana akiwaangusha chini.

Zaburi 35:6 Psalms 35:6

Njia yao na iwe giza na utelezi, Malaika wa Bwana akiwafuatia.

Zaburi 35:7 Psalms 35:7

Maana bila sababu wamenifichia wavu, Bila sababu wameichimbia shimo nafsi yangu.

Zaburi 35:8 Psalms 35:8

Uharibifu na umpate kwa ghafula, Na wavu aliouficha umnase yeye mwenyewe; Kwa uharibifu aanguke ndani yake.

Zaburi 35:9 Psalms 35:9

Na nafsi yangu itamfurahia Bwana, Na kuushangilia wokovu wake.

Zaburi 35:10 Psalms 35:10

Mifupa yangu yote itasema, Bwana, ni nani aliye kama Wewe? Umponyaye maskini na mtu aliye hodari kumshinda yeye, Naam, maskini na mhitaji na mtu amtekaye.

Zaburi 35:11 Psalms 35:11

Mashahidi wa udhalimu wanasimama, Wananiuliza mambo nisiyoyajua.

Zaburi 35:12 Psalms 35:12

Wananilipa mabaya badala ya mema, Hata nafsi yangu ikaingia ukiwa.

Zaburi 35:13 Psalms 35:13

Bali mimi, walipougua wao, Nguo yangu ilikuwa gunia. Nalijitesa nafsi yangu kwa kufunga; Maombi yangu yakarejea kifuani mwangu.

Zaburi 35:14 Psalms 35:14

Nalijifanya kama kwamba ni rafiki au ndugu yangu, Naliinama nikilia kama aliyefiwa na mamaye.

Zaburi 35:15 Psalms 35:15

Lakini nikijikwaa hufurahi na kukusanyana, Walinikusanyikia watu ovyo nisiowajua, Wananipapura wala hawakomi.

Zaburi 35:16 Psalms 35:16

Kama wenye mzaha wakikufuru karamuni Wananisagia meno.

Zaburi 35:17 Psalms 35:17

Bwana, hata lini utatazama? Uiokoe nafsi yangu na maharabu yao, Na mpenzi wangu na wana-simba.

Zaburi 35:18 Psalms 35:18

Nitakushukuru katika kusanyiko kubwa; Nitakusifu kati ya watu wengi.

Zaburi 35:19 Psalms 35:19

Walio adui zangu bure wasinisimange, Wanaonichukia bila sababu wasining'ong'e.

Zaburi 35:20 Psalms 35:20

Maana hawasemi maneno ya amani, Na juu ya watulivu wa nchi huwaza hila.

Zaburi 35:21 Psalms 35:21

Nao wananifumbulia vinywa vyao, Husema, Ewe! Ewe! Jicho letu limeona.

Zaburi 35:22 Psalms 35:22

Wewe, Bwana, umeona, usinyamaze; Ee Bwana, usiwe mbali nami.

Zaburi 35:23 Psalms 35:23

Uamke, uwe macho ili kunipatia hukumu Kwa ajili ya madai yangu, Mungu wangu na Bwana wangu.

Zaburi 35:24 Psalms 35:24

Unihukumu kwa haki yako, Ee Bwana, Mungu wangu, Wala wasinisimangize.

Zaburi 35:25 Psalms 35:25

Wasiseme moyoni, Haya! Ndivyo tutakavyo; Wasiseme, Tumemmeza.

Zaburi 35:26 Psalms 35:26

Waaibishwe, wafedheheshwe pamoja, Wanaoifurahia hali yangu mbaya. Wavikwe aibu na fedheha, Wanaojikuza juu yangu.

Zaburi 35:27 Psalms 35:27

Washangilie na kufurahi, Wapendezwao na haki yangu. Naam, waseme daima, Atukuzwe Bwana, Apendezwaye na amani ya mtumishi wake.

Zaburi 35:28 Psalms 35:28

Na ulimi wangu utanena haki yako, Na sifa zako mchana kutwa.