Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 34 Psalms

Zaburi 34:1 Psalms 34:1

Nitamhimidi Bwana kila wakati, Sifa zake zi kinywani mwangu daima.

Zaburi 34:2 Psalms 34:2

Katika Bwana nafsi yangu itajisifu, Wanyenyekevu wasikie wakafurahi.

Zaburi 34:3 Psalms 34:3

Mtukuzeni Bwana pamoja nami, Na tuliadhimishe jina lake pamoja.

Zaburi 34:4 Psalms 34:4

Nalimtafuta Bwana akanijibu, Akaniponya na hofu zangu zote.

Zaburi 34:5 Psalms 34:5

Wakamwelekea macho wakatiwa nuru, Wala nyuso zao hazitaona haya.

Zaburi 34:6 Psalms 34:6

Maskini huyu aliita, Bwana akasikia, Akamwokoa na taabu zake zote.

Zaburi 34:7 Psalms 34:7

Malaika wa Bwana hufanya kituo, Akiwazungukia wamchao na kuwaokoa.

Zaburi 34:8 Psalms 34:8

Onjeni mwone ya kuwa Bwana yu mwema; Heri mtu yule anayemtumaini.

Zaburi 34:9 Psalms 34:9

Mcheni Bwana, enyi watakatifu wake, Yaani, wamchao hawahitaji kitu.

Zaburi 34:10 Psalms 34:10

Wana-simba hutindikiwa, huona njaa; Bali wamtafutao Bwana hawatahitaji kitu cho chote kilicho chema.

Zaburi 34:11 Psalms 34:11

Njoni, enyi wana, mnisikilize, Nami nitawafundisha kumcha Bwana.

Zaburi 34:12 Psalms 34:12

Ni nani mtu yule apendezwaye na uzima, Apendaye siku nyingi apate kuona mema?

Zaburi 34:13 Psalms 34:13

Uuzuie ulimi wako na mabaya, Na midomo yako na kusema hila.

Zaburi 34:14 Psalms 34:14

Uache mabaya ukatende mema, Utafute amani ukaifuatie.

Zaburi 34:15 Psalms 34:15

Macho ya Bwana huwaelekea wenye haki, Na masikio yake hukielekea kilio chao.

Zaburi 34:16 Psalms 34:16

Uso wa Bwana ni juu ya watenda mabaya, Aliondoe kumbukumbu lao duniani.

Zaburi 34:17 Psalms 34:17

Walilia, naye Bwana akasikia, Akawaponya na taabu zao zote.

Zaburi 34:18 Psalms 34:18

Bwana yu karibu nao waliovunjika moyo, Na waliopondeka roho huwaokoa.

Zaburi 34:19 Psalms 34:19

Mateso ya mwenye haki ni mengi, Lakini Bwana humponya nayo yote.

Zaburi 34:20 Psalms 34:20

Huihifadhi mifupa yake yote, Haukuvunjika hata mmoja.

Zaburi 34:21 Psalms 34:21

Uovu utamwua asiye haki, Nao wamchukiao mwenye haki watahukumiwa.

Zaburi 34:22 Psalms 34:22

Bwana huzikomboa nafsi za watumishi wake, Wala hawatahukumiwa wote wamkimbiliao.