Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 71 Psalms

Zaburi 71:1 Psalms 71:1

Nimekukimbilia Wewe, Bwana, Nisiaibike milele.

Zaburi 71:2 Psalms 71:2

Kwa haki yako uniponye, uniopoe, Unitegee sikio lako, uniokoe.

Zaburi 71:3 Psalms 71:3

Uwe kwangu mwamba wa makazi yangu, Nitakakokwenda sikuzote. Umeamuru niokolewe, Ndiwe genge langu na ngome yangu.

Zaburi 71:4 Psalms 71:4

Ee Mungu wangu, uniopoe mkononi mwa mkorofi, Katika mkono wake mwovu, mdhalimu,

Zaburi 71:5 Psalms 71:5

Maana ndiwe taraja langu, Ee Bwana MUNGU, Tumaini langu tokea ujana wangu.

Zaburi 71:6 Psalms 71:6

Nimekutegemea Wewe tangu kuzaliwa, Ndiwe uliyenitoa tumboni mwa mama yangu, Ninakusifu Wewe daima.

Zaburi 71:7 Psalms 71:7

Nimekuwa kitu cha ajabu kwa watu wengi, Na Wewe ndiwe kimbilio langu la nguvu.

Zaburi 71:8 Psalms 71:8

Kinywa changu kitajazwa sifa zako, Na heshima yako mchana kutwa.

Zaburi 71:9 Psalms 71:9

Usinitupe wakati wa uzee, Nguvu zangu zipungukapo usiniache.

Zaburi 71:10 Psalms 71:10

Kwa maana adui zangu wananiamba, Nao wanaoniotea roho yangu hushauriana.

Zaburi 71:11 Psalms 71:11

Wakisema, Mungu amemwacha, Mfuatieni, mkamateni, hakuna wa kumponya.

Zaburi 71:12 Psalms 71:12

Ee Mungu, usiwe mbali nami; Ee Mungu wangu, fanya haraka kunisaidia.

Zaburi 71:13 Psalms 71:13

Waaibishwe, watoweshwe, adui za nafsi yangu. Wavikwe laumu na aibu wanaonitakia mabaya.

Zaburi 71:14 Psalms 71:14

Nami nitatumaini daima, Nitazidi kuongeza sifa zake zote.

Zaburi 71:15 Psalms 71:15

Kinywa changu kitasimulia haki na wokovu wako Mchana kutwa; maana sijui hesabu yake.

Zaburi 71:16 Psalms 71:16

Nitakuja na mambo ya ajabu ya Bwana MUNGU; Nitawakumbusha watu haki yako Wewe peke yako.

Zaburi 71:17 Psalms 71:17

Ee Mungu, umenifundisha tokea ujana wangu; Nimekuwa nikitangaza miujiza yako hata leo.

Zaburi 71:18 Psalms 71:18

Na hata nikiwa ni mzee mwenye mvi, Ee Mungu, usiniache. Hata niwaeleze watu wa kizazi hiki nguvu zako, Na kila atakayekuja uweza wako.

Zaburi 71:19 Psalms 71:19

Na haki yako, Ee Mungu, Imefika juu sana. Wewe uliyefanya mambo makuu; Ee Mungu, ni nani aliye kama Wewe?

Zaburi 71:20 Psalms 71:20

Wewe, uliyetuonyesha mateso mengi, mabaya, Utatuhuisha tena. Utatupandisha juu tena Tokea pande za chini ya nchi.

Zaburi 71:21 Psalms 71:21

Laiti ungeniongezea ukuu! Urejee tena na kunifariji moyo.

Zaburi 71:22 Psalms 71:22

Nami nitakushukuru kwa kinanda, Na kweli yako, Ee Mungu wangu. Nitakuimbia Wewe kwa kinubi, Ee Mtakatifu wa Israeli.

Zaburi 71:23 Psalms 71:23

Midomo yangu itafurahi sana nikuimbiapo, Na nafsi yangu uliyoikomboa.

Zaburi 71:24 Psalms 71:24

Ulimi wangu nao utasimulia Haki yako mchana kutwa. Kwa maana wameaibishwa, Wametahayarika, wanaonitakia mabaya.