Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 33 Psalms

Zaburi 33:1 Psalms 33:1

Mpigieni Bwana vigelegele, enyi wenye haki, Kusifu kunawapasa wanyofu wa moyo.

Zaburi 33:2 Psalms 33:2

Mshukuruni Bwana kwa kinubi, Kwa kinanda cha nyuzi kumi mwimbieni sifa.

Zaburi 33:3 Psalms 33:3

Mwimbieni wimbo mpya, Pigeni kwa ustadi kwa sauti ya shangwe.

Zaburi 33:4 Psalms 33:4

Kwa kuwa neno la Bwana lina adili, Na kazi yake yote huitenda kwa uaminifu.

Zaburi 33:5 Psalms 33:5

Huzipenda haki na hukumu, Nchi imejaa fadhili za Bwana.

Zaburi 33:6 Psalms 33:6

Kwa neno la Bwana mbingu zilifanyika, Na jeshi lake lote kwa pumzi ya kinywa chake.

Zaburi 33:7 Psalms 33:7

Hukusanya maji ya bahari chungu chungu, Huviweka vilindi katika ghala.

Zaburi 33:8 Psalms 33:8

Nchi yote na imwogope Bwana, Wote wakaao duniani na wamche.

Zaburi 33:9 Psalms 33:9

Maana Yeye alisema, ikawa; Na Yeye aliamuru, ikasimama.

Zaburi 33:10 Psalms 33:10

Bwana huyabatilisha mashauri ya mataifa, Huyatangua makusudi ya watu.

Zaburi 33:11 Psalms 33:11

Shauri la Bwana lasimama milele, Makusudi ya moyo wake vizazi na vizazi.

Zaburi 33:12 Psalms 33:12

Heri taifa ambalo Bwana ni Mungu wao, Watu aliowachagua kuwa urithi wake.

Zaburi 33:13 Psalms 33:13

Toka mbinguni Bwana huchungulia, Huwatazama wanadamu wote pia.

Zaburi 33:14 Psalms 33:14

Toka mahali pake aketipo Huwaangalia wote wakaao duniani.

Zaburi 33:15 Psalms 33:15

yeye aiumbaye mioyo yao wote Huzifikiri kazi zao zote.

Zaburi 33:16 Psalms 33:16

Hapana mfalme aokokaye kwa wingi wa uwezo, Wala shujaa haokoki kwa wingi wa nguvu.

Zaburi 33:17 Psalms 33:17

Farasi hafai kitu kwa wokovu, Wala hamponyi mtu kwa wingi wa nguvu zake.

Zaburi 33:18 Psalms 33:18

Tazama, jicho la Bwana li kwao wamchao, Wazingojeao fadhili zake.

Zaburi 33:19 Psalms 33:19

Yeye huwaponya nafsi zao na mauti, Na kuwahuisha wakati wa njaa.

Zaburi 33:20 Psalms 33:20

Nafsi zetu zinamngoja Bwana; Yeye ndiye msaada wetu na ngao yetu.

Zaburi 33:21 Psalms 33:21

Maana mioyo yetu itamfurahia, Kwa kuwa tumelitumainia jina lake takatifu.

Zaburi 33:22 Psalms 33:22

Ee Bwana, fadhili zako zikae nasi, Kama vile tulivyokungoja Wewe.