Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 25 Psalms

Zaburi 25:1 Psalms 25:1

Ee Bwana, nakuinulia nafsi yangu,

Zaburi 25:2 Psalms 25:2

Ee Mungu wangu, Nimekutumaini Wewe, nisiaibike, Adui zangu wasifurahi kwa kunishinda.

Zaburi 25:3 Psalms 25:3

Naam, wakungojao hawataaibika hata mmoja; Wataaibika watendao uhaini bila sababu.

Zaburi 25:4 Psalms 25:4

Ee Bwana, unijulishe njia zako, Unifundishe mapito yako,

Zaburi 25:5 Psalms 25:5

Uniongoze katika kweli yako, Na kunifundisha. Maana Wewe ndiwe Mungu wa wokovu wangu, Nakungoja Wewe mchana kutwa.

Zaburi 25:6 Psalms 25:6

Ee Bwana, kumbuka rehema zako na fadhili zako, Maana zimekuwako tokea zamani.

Zaburi 25:7 Psalms 25:7

Usiyakumbuke makosa ya ujana wangu, Wala maasi yangu. Unikumbuke kwa kadiri ya fadhili zako, Ee Bwana kwa ajili ya wema wako.

Zaburi 25:8 Psalms 25:8

Bwana yu mwema, mwenye adili, Kwa hiyo atawafundisha wenye dhambi njia.

Zaburi 25:9 Psalms 25:9

Wenye upole atawaongoza katika hukumu, Wenye upole atawafundisha njia yake.

Zaburi 25:10 Psalms 25:10

Njia zote za Bwana ni fadhili na kweli, Kwao walishikao agano lake na shuhuda zake.

Zaburi 25:11 Psalms 25:11

Ee Bwana, kwa ajili ya jina lako, Unisamehe uovu wangu, maana ni mwingi.

Zaburi 25:12 Psalms 25:12

Ni nani amchaye Bwana? Atamfundisha katika njia anayoichagua.

Zaburi 25:13 Psalms 25:13

Nafsi yake itakaa hali ya kufanikiwa; Wazao wake watairithi nchi.

Zaburi 25:14 Psalms 25:14

Siri ya Bwana iko kwao wamchao, Naye atawajulisha agano lake.

Zaburi 25:15 Psalms 25:15

Macho yangu humwelekea Bwana daima, Naye atanitoa miguu yangu katika wavu.

Zaburi 25:16 Psalms 25:16

Uniangalie na kunifadhili, Maana mimi ni mkiwa na mteswa.

Zaburi 25:17 Psalms 25:17

Katika shida za moyo wangu unifanyie nafasi, Na kunitoa katika dhiki zangu.

Zaburi 25:18 Psalms 25:18

Utazame teso langu na taabu yangu; Unisamehe dhambi zangu zote.

Zaburi 25:19 Psalms 25:19

Uwatazame adui zangu, maana ni wengi, Wananichukia kwa machukio ya ukali.

Zaburi 25:20 Psalms 25:20

Unilinde nafsi yangu na kuniponya, Nisiaibike, maana nakukimbilia Wewe.

Zaburi 25:21 Psalms 25:21

Ukamilifu na unyofu zinihifadhi, Maana nakungoja Wewe.

Zaburi 25:22 Psalms 25:22

Ee Mungu, umkomboe Israeli, Katika taabu zake zote.