Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 22 Psalms

Zaburi 22:1 Psalms 22:1

Mungu wangu, Mungu wangu, Mbona umeniacha? Mbona U mbali na wokovu wangu, Na maneno ya kuugua kwangu?

Zaburi 22:2 Psalms 22:2

Ee Mungu wangu, nalia mchana lakini hujibu Na wakati wa usiku lakini sipati raha.

Zaburi 22:3 Psalms 22:3

Na Wewe U Mtakatifu, Uketiye juu ya sifa za Israeli.

Zaburi 22:4 Psalms 22:4

Baba zetu walikutumaini Wewe, Walitumaini, na Wewe ukawaokoa.

Zaburi 22:5 Psalms 22:5

Walikulilia Wewe wakaokoka, Walikutumaini wasiaibike.

Zaburi 22:6 Psalms 22:6

Lakini mimi ni mdudu wala si mtu, Laumu ya wanadamu na mzaha wa watu.

Zaburi 22:7 Psalms 22:7

Wote wanionao hunicheka sana, Hunifyonya, wakitikisa vichwa vyao;

Zaburi 22:8 Psalms 22:8

Husema, Umtegemee Bwana; na amponye; Na amwokoe sasa, maana apendezwa naye.

Zaburi 22:9 Psalms 22:9

Naam, Wewe ndiwe uliyenitoa tumboni, Ulinitumainisha matitini mwa mama yangu.

Zaburi 22:10 Psalms 22:10

Kwako nalitupwa tangu tumboni, Toka tumboni mwa mamangu ndiwe Mungu wangu.

Zaburi 22:11 Psalms 22:11

Usiwe mbali nami maana taabu i karibu, Kwa maana hakuna msaidizi.

Zaburi 22:12 Psalms 22:12

Mafahali wengi wamenizunguka, Walio hodari wa Bashani wamenisonga;

Zaburi 22:13 Psalms 22:13

Wananifumbulia vinywa vyao, Kama simba apapuraye na kunguruma.

Zaburi 22:14 Psalms 22:14

Nimemwagika kama maji, Mifupa yangu yote imeteguka, Moyo wangu umekuwa kama nta, Na kuyeyuka ndani ya mtima wangu.

Zaburi 22:15 Psalms 22:15

Nguvu zangu zimekauka kama gae, Ulimi wangu waambatana na taya zangu; Unaniweka katika mavumbi ya mauti

Zaburi 22:16 Psalms 22:16

Kwa maana mbwa wamenizunguka; Kusanyiko la waovu wamenisonga; Wamenizua mikono na miguu.

Zaburi 22:17 Psalms 22:17

Naweza kuihesabu mifupa yangu yote; Wao wananitazama na kunikodolea macho.

Zaburi 22:18 Psalms 22:18

Wanagawanya nguo zangu, Na vazi langu wanalipigia kura.

Zaburi 22:19 Psalms 22:19

Nawe, Bwana, usiwe mbali, Ee Nguvu zangu, fanya haraka kunisaidia.

Zaburi 22:20 Psalms 22:20

Uniponye nafsi yangu na upanga, Mpenzi wangu na nguvu za mbwa.

Zaburi 22:21 Psalms 22:21

Kinywani mwa simba uniokoe; Naam, toka pembe za nyati umenijibu.

Zaburi 22:22 Psalms 22:22

Nitalihubiri jina lako kwa ndugu zangu, Katikati ya kusanyiko nitakusifu.

Zaburi 22:23 Psalms 22:23

Ninyi mnaomcha Bwana, msifuni, Enyi nyote mlio wazao wa Yakobo, mtukuzeni, Mcheni, enyi nyote mlio wazao wa Israeli.

Zaburi 22:24 Psalms 22:24

Maana hakulidharau teso la mteswa, Wala hakuchukizwa nalo; Wala hakumficha uso wake, Bali alipomlilia akamsikia.

Zaburi 22:25 Psalms 22:25

Kwako zinatoka sifa zangu Katika kusanyiko kubwa. Nitaziondoa nadhiri zangu Mbele yao wamchao.

Zaburi 22:26 Psalms 22:26

Wapole watakula na kushiba, Wamtafutao Bwana watamsifu; Mioyo yenu na iishi milele.

Zaburi 22:27 Psalms 22:27

Miisho yote ya dunia itakumbuka, Na watu watamrejea Bwana; Jamaa zote za mataifa watamsujudia.

Zaburi 22:28 Psalms 22:28

Maana ufalme una Bwana, Naye ndiye awatawalaye mataifa.

Zaburi 22:29 Psalms 22:29

Wakwasi wote wa dunia watakula na kusujudu, Humwinamia wote washukao mavumbini; Naam, yeye asiyeweza kujihuisha nafsi yake,

Zaburi 22:30 Psalms 22:30

Wazao wake watamtumikia. Zitasimuliwa habari za Bwana, Kwa kizazi kitakachokuja,

Zaburi 22:31 Psalms 22:31

Nao watawahubiri watakaozaliwa haki yake, Ya kwamba ndiye aliyeyafanya.