Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 109 Psalms

Zaburi 109:1 Psalms 109:1

Ee Mungu wa sifa zangu, usinyamaze,

Zaburi 109:2 Psalms 109:2

Kwa maana wamenifumbulia kinywa; Kinywa cha mtu asiye haki, cha hila, Wamesema nami kwa ulimi wa uongo.

Zaburi 109:3 Psalms 109:3

Naam, kwa maneno ya chuki wamenizunguka, Wamepigana nami bure.

Zaburi 109:4 Psalms 109:4

Badala ya upendo wangu wao hunishitaki, Ijapokuwa naliwaombea.

Zaburi 109:5 Psalms 109:5

Wamenichukuza mabaya badala ya mema, Na chuki badala ya upendo wangu.

Zaburi 109:6 Psalms 109:6

Uweke mtu mkorofi juu yake, Mshitaki asimame mkono wake wa kuume.

Zaburi 109:7 Psalms 109:7

Katika kuhukumiwa ataonekana hana haki, Na sala yake itadhaniwa kuwa ni dhambi.

Zaburi 109:8 Psalms 109:8

Siku zake na ziwe chache, Usimamizi wake na atwae mtu mwingine.

Zaburi 109:9 Psalms 109:9

Wanawe na wawe yatima, Na mkewe na awe mjane.

Zaburi 109:10 Psalms 109:10

Kutanga na watange wanawe na kuomba, Watafute chakula mbali na mahame yao.

Zaburi 109:11 Psalms 109:11

Mdai na anase vitu vyote alivyo navyo, Wageni na wateke mapato ya kazi yake.

Zaburi 109:12 Psalms 109:12

Asiwe na mtu wa kumfanyia fadhili, Wala mtu wa kuwahurumia yatima wake.

Zaburi 109:13 Psalms 109:13

Wazao wake waangamizwe, Jina lao likafutwe katika kizazi cha pili.

Zaburi 109:14 Psalms 109:14

Uovu wa baba zake ukumbukwe mbele za Bwana, Na dhambi ya mamaye isifutwe.

Zaburi 109:15 Psalms 109:15

Ziwe mbele za Bwana daima, Aliondoe kumbukumbu lao duniani.

Zaburi 109:16 Psalms 109:16

Kwa kuwa hakukumbuka kutenda fadhili, Bali alimfukuza mnyonge na mhitaji, Hata akamfisha mtu aliyevunjika moyo,

Zaburi 109:17 Psalms 109:17

Naye alipenda kulaani, nako kukampata. Hakupendezwa na kubariki, kukawa mbali naye,

Zaburi 109:18 Psalms 109:18

Alijivika laana kana kwamba ni vazi lake. Ikamwingilia moyoni kama maji, Na kama mafuta mifupani mwake.

Zaburi 109:19 Psalms 109:19

Na iwe kwake kama vazi ajivikalo, Na kama mshipi ajifungao daima.

Zaburi 109:20 Psalms 109:20

Ndiyo malipo ya washitaki wangu toka kwa Bwana, Na ya hao wanaoisingizia nafsi yangu mabaya.

Zaburi 109:21 Psalms 109:21

Na Wewe, MUNGU, Bwana, unitendee kwa ajili ya jina lako, Kwa kuwa fadhili zako ni njema uniokoe.

Zaburi 109:22 Psalms 109:22

Kwa maana mimi ni mnyonge na mhitaji, Na moyo wangu umejeruhi ndani yangu.

Zaburi 109:23 Psalms 109:23

Ninapita kama kivuli kianzacho kutoweka, Ninapeperushwa kama nzige.

Zaburi 109:24 Psalms 109:24

Magoti yangu yamedhoofu kwa kufunga, Na mwili wangu umekonda kwa kukosa mafuta.

Zaburi 109:25 Psalms 109:25

Nami nalikuwa laumu kwao, Wanionapo hutikisa vichwa vyao.

Zaburi 109:26 Psalms 109:26

Ee Bwana, Mungu wangu, unisaidie, Uniokoe sawasawa na fadhili zako.

Zaburi 109:27 Psalms 109:27

Nao wakajue ya kuwa ndio mkono wako; Wewe, Bwana, umeyafanya hayo.

Zaburi 109:28 Psalms 109:28

Wao walaani, bali Wewe utabariki, Wameondoka wao wakaaibishwa, Bali mtumishi wako atafurahi.

Zaburi 109:29 Psalms 109:29

Washitaki wangu watavikwa fedheha, Watajivika aibu yao kama joho.

Zaburi 109:30 Psalms 109:30

Nitamshukuru Bwana kwa kinywa changu, Naam, nitamsifu katikati ya mkutano.

Zaburi 109:31 Psalms 109:31

Maana atasimama mkono wa kuume wa mhitaji Amwokoe na wanaoihukumu nafsi yake.