Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 147 Psalms

Zaburi 147:1 Psalms 147:1

Haleluya. Msifuni Bwana; Maana ni vema kumwimbia Mungu wetu, Maana kwapendeza, kusifu ni kuzuri.

Zaburi 147:2 Psalms 147:2

Bwana ndiye aijengaye Yerusalemu, Huwakusanya waliotawanyika wa Israeli.

Zaburi 147:3 Psalms 147:3

Huwaponya waliopondeka moyo, Na kuziganga jeraha zao.

Zaburi 147:4 Psalms 147:4

Huihesabu idadi ya nyota, Huzipa zote majina.

Zaburi 147:5 Psalms 147:5

Bwana wetu ni mkuu na mwingi wa nguvu, Akili zake hazina mpaka.

Zaburi 147:6 Psalms 147:6

Bwana huwategemeza wenye upole, Huwaangusha chini wenye jeuri.

Zaburi 147:7 Psalms 147:7

Mwimbieni Bwana kwa kushukuru, Mwimbieni Mungu wetu kwa kinubi.

Zaburi 147:8 Psalms 147:8

Huzifunika mbingu kwa mawingu, Huitengenezea nchi mvua, Na kuyameesha majani milimani.

Zaburi 147:9 Psalms 147:9

Humpa mnyama chakula chake, Wana-kunguru waliao.

Zaburi 147:10 Psalms 147:10

Hapendezwi na nguvu za farasi, Wala hairidhii miguu ya mtu.

Zaburi 147:11 Psalms 147:11

Bwana huwaridhia wao wamchao, Na kuzitarajia fadhili zake.

Zaburi 147:12 Psalms 147:12

Msifu Bwana, Ee Yerusalemu; Msifu Mungu wako, Ee Sayuni.

Zaburi 147:13 Psalms 147:13

Maana ameyakaza mapingo ya malango yako, Amewabariki wanao ndani yako.

Zaburi 147:14 Psalms 147:14

Ndiye afanyaye amani mipakani mwako, Akushibishaye kwa unono wa ngano.

Zaburi 147:15 Psalms 147:15

Huipeleka amri yake juu ya nchi, Neno lake lapiga mbio sana.

Zaburi 147:16 Psalms 147:16

Ndiye atoaye theluji kama sufu, Huimwaga barafu yake kama majivu,

Zaburi 147:17 Psalms 147:17

Hutupa mvua ya mawe kama makombo, Mbele ya baridi yake ni nani awezaye kusimama?

Zaburi 147:18 Psalms 147:18

Hulituma neno lake na kuviyeyusha, Huuvumisha upepo wake, maji yakatiririka.

Zaburi 147:19 Psalms 147:19

Humhubiri Yakobo neno lake, Na Israeli amri zake na hukumu zake.

Zaburi 147:20 Psalms 147:20

Hakulitendea taifa lo lote mambo kama hayo, Wala hukumu zake hawakuzijua. Haleluya.