Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 118 Psalms

Zaburi 118:1 Psalms 118:1

Haleluya. Mshukuruni Bwana kwa kuwa ni mwema, Kwa maana fadhili zake ni za milele.

Zaburi 118:2 Psalms 118:2

Israeli na aseme sasa, Ya kwamba fadhili zake ni za milele.

Zaburi 118:3 Psalms 118:3

Mlango wa Haruni na waseme sasa, Ya kwamba fadhili zake ni za milele.

Zaburi 118:4 Psalms 118:4

Wamchao Bwana na waseme sasa, Ya kwamba fadhili zake ni za milele.

Zaburi 118:5 Psalms 118:5

Katika shida yangu nalimwita Bwana; Bwana akanijibu akaniweka panapo nafasi.

Zaburi 118:6 Psalms 118:6

Bwana yuko upande wangu, sitaogopa; Mwanadamu atanitenda nini?

Zaburi 118:7 Psalms 118:7

Bwana yuko upande wangu, msaidizi wangu, Kwa hiyo nitawaona wanaonichukia wameshindwa.

Zaburi 118:8 Psalms 118:8

Ni heri kumkimbilia Bwana Kuliko kuwatumainia wanadamu.

Zaburi 118:9 Psalms 118:9

Ni heri kumkimbilia Bwana. Kuliko kuwatumainia wakuu.

Zaburi 118:10 Psalms 118:10

Mataifa yote walinizunguka; Kwa jina la Bwana naliwakatilia mbali.

Zaburi 118:11 Psalms 118:11

Walinizunguka, naam, walinizunguka; Kwa jina la Bwana naliwakatilia mbali.

Zaburi 118:12 Psalms 118:12

Walinizunguka kama nyuki, Walizimika kama moto wa miibani; Kwa jina la Bwana naliwakatilia mbali.

Zaburi 118:13 Psalms 118:13

Ulinisukuma sana ili nianguke; Lakini Bwana akanisaidia.

Zaburi 118:14 Psalms 118:14

Bwana ni nguvu zangu na wimbo wangu, Naye amekuwa wokovu wangu.

Zaburi 118:15 Psalms 118:15

Sauti ya furaha na wokovu Imo hemani mwao wenye haki; Mkono wa kuume wa Bwana hutenda makuu.

Zaburi 118:16 Psalms 118:16

Mkono wa kuume wa Bwana umetukuzwa; Mkono wa kuume wa Bwana hutenda makuu.

Zaburi 118:17 Psalms 118:17

Sitakufa bali nitaishi, Nami nitayasimulia matendo ya Bwana.

Zaburi 118:18 Psalms 118:18

Bwana ameniadhibu sana, Lakini hakuniacha nife.

Zaburi 118:19 Psalms 118:19

Nifungulieni malango ya haki, Nitaingia na kumshukuru Bwana.

Zaburi 118:20 Psalms 118:20

Lango hili ni la Bwana, Wenye haki ndio watakaoliingia.

Zaburi 118:21 Psalms 118:21

Nitakushukuru kwa maana umenijibu, Nawe umekuwa wokovu wangu.

Zaburi 118:22 Psalms 118:22

Jiwe walilolikataa waashi Limekuwa jiwe kuu la pembeni.

Zaburi 118:23 Psalms 118:23

Neno hili limetoka kwa Bwana, Nalo ni ajabu machoni petu.

Zaburi 118:24 Psalms 118:24

Siku hii ndiyo aliyoifanya Bwana, Tutashangilia na kuifurahia.

Zaburi 118:25 Psalms 118:25

Ee Bwana, utuokoe, twakusihi; Ee Bwana, utufanikishe, twakusihi.

Zaburi 118:26 Psalms 118:26

Na abarikiwe yeye ajaye kwa jina la Bwana; Tumewabarikia toka nyumbani mwa Bwana.

Zaburi 118:27 Psalms 118:27

Bwana ndiye aliye Mungu, Naye ndiye aliyetupa nuru. Ifungeni dhabihu kwa kamba Pembeni mwa madhabahu.

Zaburi 118:28 Psalms 118:28

Ndiwe Mungu wangu, nami nitakushukuru, Ndiwe Mungu wangu, nami nitakutukuza.

Zaburi 118:29 Psalms 118:29

Mshukuruni Bwana kwa kuwa ni mwema, Kwa maana fadhili zake ni za milele.