Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 103 Psalms

Zaburi 103:1 Psalms 103:1

Ee nafsi yangu, umhimidi Bwana. Naam, vyote vilivyo ndani yangu Vilihimidi jina lake takatifu.

Zaburi 103:2 Psalms 103:2

Ee nafsi yangu, umhimidi Bwana, Wala usizisahau fadhili zake zote.

Zaburi 103:3 Psalms 103:3

Akusamehe maovu yako yote, Akuponya magonjwa yako yote,

Zaburi 103:4 Psalms 103:4

Aukomboa uhai wako na kaburi, Akutia taji ya fadhili na rehema,

Zaburi 103:5 Psalms 103:5

Aushibisha mema uzee wako, Ujana wako ukarejezwa kama tai;

Zaburi 103:6 Psalms 103:6

Bwana ndiye afanyaye mambo ya haki, Na hukumu kwa wote wanaoonewa.

Zaburi 103:7 Psalms 103:7

Alimjulisha Musa njia zake, Wana wa Israeli matendo yake.

Zaburi 103:8 Psalms 103:8

Bwana amejaa huruma na neema, Haoni hasira upesi, ni mwingi wa fadhili.

Zaburi 103:9 Psalms 103:9

Yeye hatateta sikuzote, Wala hatashika hasira yake milele.

Zaburi 103:10 Psalms 103:10

Hakututenda sawasawa na hatia zetu, Wala hakutulipa kwa kadiri ya maovu yetu.

Zaburi 103:11 Psalms 103:11

Maana mbingu zilivyoinuka juu ya nchi, Kadiri ile ile rehema zake ni kuu kwa wamchao.

Zaburi 103:12 Psalms 103:12

Kama mashariki ilivyo mbali na magharibi, Ndivyo alivyoweka dhambi zetu mbali nasi.

Zaburi 103:13 Psalms 103:13

Kama vile baba awahurumiavyo watoto wake, Ndivyo Bwana anavyowahurumia wamchao.

Zaburi 103:14 Psalms 103:14

Kwa maana Yeye anatujua umbo letu, Na kukumbuka ya kuwa sisi tu mavumbi.

Zaburi 103:15 Psalms 103:15

Mwanadamu siku zake zi kama majani; Kama ua la kondeni ndivyo asitawivyo.

Zaburi 103:16 Psalms 103:16

Maana upepo hupita juu yake, kumbe haliko! Na mahali pake hapatalijua tena.

Zaburi 103:17 Psalms 103:17

Bali fadhili za Bwana zina wamchao Tangu milele hata milele, Na haki yake ina wana wa wana;

Zaburi 103:18 Psalms 103:18

Maana, wale walishikao agano lake, Na kuyakumbuka maagizo yake ili wayafanye.

Zaburi 103:19 Psalms 103:19

Bwana ameweka kiti chake cha enzi mbinguni, Na ufalme wake unavitawala vitu vyote.

Zaburi 103:20 Psalms 103:20

Mhimidini Bwana, enyi malaika zake, Ninyi mlio hodari, mtendao neno lake, Mkiisikiliza sauti ya neno lake.

Zaburi 103:21 Psalms 103:21

Mhimidini Bwana, enyi majeshi yake yote, Ninyi watumishi wake mfanyao mapenzi yake.

Zaburi 103:22 Psalms 103:22

Mhimidini Bwana, enyi matendo yake yote, Mahali pote pa milki yake. Ee nafsi yangu, umhimidi Bwana.