Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 55 Psalms

Zaburi 55:1 Psalms 55:1

Ee Mungu, uisikilize sala yangu, Wala usijifiche nikuombapo rehema.

Zaburi 55:2 Psalms 55:2

Unisikilize na kunijibu, Nimetanga-tanga nikilalama na kuugua.

Zaburi 55:3 Psalms 55:3

Kwa sababu ya sauti ya adui, Kwa sababu ya dhuluma yake yule mwovu. Kwa maana wananitupia uovu, Na kwa ghadhabu wananiudhi.

Zaburi 55:4 Psalms 55:4

Moyo wangu unaumia ndani yangu, Na hofu za mauti zimeniangukia.

Zaburi 55:5 Psalms 55:5

Hofu na tetemeko limenijia, Na hofu kubwa imenifunikiza.

Zaburi 55:6 Psalms 55:6

Nikasema, Ningekuwa na mbawa kama njiwa, Ningerukia mbali na kustarehe.

Zaburi 55:7 Psalms 55:7

Ningekwenda zangu mbali, Ningetua jangwani.

Zaburi 55:8 Psalms 55:8

Ningefanya haraka kuzikimbia Dhoruba na tufani.

Zaburi 55:9 Psalms 55:9

Ee Bwana, uwaangamize, uzichafue ndimi zao, Maana nimeona dhuluma na fitina katika mji.

Zaburi 55:10 Psalms 55:10

Mchana na usiku huzunguka kutani mwake; Uovu na taabu zimo ndani yake;

Zaburi 55:11 Psalms 55:11

Tamaa mbaya zimo ndani yake; Dhuluma na hila haziondoki mitaani mwake.

Zaburi 55:12 Psalms 55:12

Kwa maana aliyetukana si adui; Kama ndivyo, ningevumilia. Aliyejitukuza juu yangu siye anichukiaye; Kama ndivyo, ningejificha asinione.

Zaburi 55:13 Psalms 55:13

Bali ni wewe, mtu mwenzangu, Rafiki yangu, niliyejuana nawe sana.

Zaburi 55:14 Psalms 55:14

Tulipeana shauri tamu; na kutembea Nyumbani mwa Mungu pamoja na mkutano.

Zaburi 55:15 Psalms 55:15

Mauti na iwapate kwa ghafula, Na washuke kuzimu wangali hai, Maana uovu u makaoni mwao na katikati yao.

Zaburi 55:16 Psalms 55:16

Nami nitamwita Mungu, Na Bwana ataniokoa;

Zaburi 55:17 Psalms 55:17

Jioni, asubuhi, na adhuhuri nitalalama na kuugua, Naye ataisikia sauti yangu.

Zaburi 55:18 Psalms 55:18

Ameiokoa nafsi yangu iwe salama, asinikaribie mtu, Maana walioshindana nami walikuwa wengi.

Zaburi 55:19 Psalms 55:19

Mungu atasikia na kuwajibu; Ndiye Yeye akaaye tangu milele. Mageuzi ya mambo hayawapati hao, Kwa hiyo hawamchi Mungu.

Zaburi 55:20 Psalms 55:20

Amenyosha mkono awadhuru waliopatana naye, Amelihalifu agano lake.

Zaburi 55:21 Psalms 55:21

Kinywa chake ni laini kuliko siagi, Bali moyo wake ni vita. Maneno yake ni mororo kuliko mafuta, Bali hayo ni panga wazi.

Zaburi 55:22 Psalms 55:22

Umtwike Bwana mzigo wako naye atakutegemeza, Hatamwacha mwenye haki aondoshwe milele.

Zaburi 55:23 Psalms 55:23

Nawe, Ee Mungu, utawatelemsha, Walifikilie shimo la uharibifu; Watu wa damu na hila hawataishi nusu ya siku zao, Bali mimi nitakutumaini Wewe.