Zaburi
Mwanzo Kutoka Mambo ya Walawi Hesabu Kumbukumbu la Torati Yoshua Waamuzi Ruthu 1 Samweli 2 Samweli 1 Wafalme 2 Wafalme 1 Mambo ya Nyakati 2 Mambo ya Nyakati Ezra Nehemia Esta Ayabu Zaburi Mithali Mhubiri Wimbo Ulio Bora Isaya Yeremia Maombolezo Ezekieli Danieli Hosea Yoeli Amosi Obadia Yona Mika Nahumu Habakuki Sefania Hagai Zekaria Malaki Mathayo Marko Luka Yohana Matendo ya Mitume Warumi 1 Wakorintho 2 Wakorintho Wagalatia Waefeso Wafilipi Wakolosai 1 Wathesalonike 2 Wathesalonike 1 Timotheo 2 Timotheo Tito Filemoni Waebrania Yakobo 1 Petro 2 Petro 1 Yohana 2 Yohana 3 Yohana Yuda Ufunuo wa Yohana

Zaburi Mlango 90 Psalms

Zaburi 90:1 Psalms 90:1

Wewe, Bwana, umekuwa makao yetu, Kizazi baada ya kizazi.

Zaburi 90:2 Psalms 90:2

Kabla haijazaliwa milima, wala hujaiumba dunia, Na tangu milele hata milele ndiwe Mungu.

Zaburi 90:3 Psalms 90:3

Wamrudisha mtu mavumbini, usemapo, Rudini, enyi wanadamu.

Zaburi 90:4 Psalms 90:4

Maana miaka elfu machoni pako Ni kama siku ya jana ikiisha kupita, Na kama kesha la usiku.

Zaburi 90:5 Psalms 90:5

Wawagharikisha, huwa kama usingizi, Asubuhi huwa kama majani yameayo.

Zaburi 90:6 Psalms 90:6

Asubuhi yachipuka na kumea, Jioni yakatika na kukauka.

Zaburi 90:7 Psalms 90:7

Maana tumetoweshwa kwa hasira yako, Na kwa ghadhabu yako tumefadhaishwa.

Zaburi 90:8 Psalms 90:8

Umeyaweka maovu yetu mbele zako, Siri zetu katika mwanga wa uso wako.

Zaburi 90:9 Psalms 90:9

Maana siku zetu zote zimepita katika hasira yako, Tumetowesha miaka yetu kama kite.

Zaburi 90:10 Psalms 90:10

Siku za miaka yetu ni miaka sabini, Na ikiwa tuna nguvu miaka themanini; Na kiburi chake ni taabu na ubatili, Maana chapita upesi tukatokomea mara.

Zaburi 90:11 Psalms 90:11

Ni nani aujuaye uweza wa hasira yako? Na ghadhabu yako kama ipasavyo kicho chako?

Zaburi 90:12 Psalms 90:12

Basi, utujulishe kuzihesabu siku zetu, Tujipatie moyo wa hekima.

Zaburi 90:13 Psalms 90:13

Ee Bwana urudi, hata lini? Uwahurumie watumishi wako.

Zaburi 90:14 Psalms 90:14

Utushibishe asubuhi kwa fadhili zako, Nasi tutashangilia na kufurahi siku zetu zote.

Zaburi 90:15 Psalms 90:15

Utufurahishe kwa kadiri ya siku ulizotutesa, Kama miaka ile tuliyoona mabaya.

Zaburi 90:16 Psalms 90:16

Matendo yako na yaonekane kwa watumishi wako, Na adhama yako kwa watoto wao.

Zaburi 90:17 Psalms 90:17

Na uzuri wa Bwana, Mungu wetu, uwe juu yetu, Na kazi ya mikono yetu utufanyie thabiti, Naam, kazi ya mikono yetu uithibitishe.